KA PAH HOINA ACHUL TAI...!!!
By~ John Haokholal Haokip.
"Thang, Hilai a von sopnu khu koi nah! Kamu kha mo neh e...!" tia ka-guol ngai Thangboi kadoh chu,"Lal, Ka-u Chongneo ahi e.Ka-Palen chanu ahi in keiho in a um dinga tu jingkah a chu hung lhung'a a-von ho akisop ahi e," tia eidonbut jou chun,"Nang in 'he-u' tia nakou le keiman jong 'he-u' tia ka kou di hichu o na...," tin kadong jom in,aman jong,"Na-u di ma hichu...kum 26 ahi ta e...na-u te guol ahibouve o...i-jou khat le 'naosen-nu' ding in deilhen khan nate...he...he...he...,"tin ei hin dai'in kei in jong,"A-mel le ahindan phatah in kimu chen phat-phat le 'he-u' ti di ham 'naosen-nu' ti di ham 'Boinu' ti di ham hung kihe chen taven! Iti baha! Numei imit la tah-tah ho hi i-sang'a kum tamjo ngen ana hinuom jiu chu o...," kati lai tah chun apalen chanu chun eivet toh ana kituoh chet in kakiphatlam man chun kaki hei mang jel jeng e.
Thangboi hi ka-guol ho lah a ka lunggel kaseina theipen le ka lung ngapna theipen ahijeh chun kangailu lheh jeng e.Ama in jong kei gel bang chet chun eina gel jeh chun a-lung gel seina theipen le a-lungngapna in ei nei e.Ngailutna jal'in a-in uvah laituol kaga leng jin; ama jong kei ho in ah ahung lai leng ji e. Thangboi te in a ka che ji tieng apalen chanu Chongneo chun kipana mel mong-mong apuo ji pon; a-lungsung sugenthei khat um ahi ti chu amaisuo a kon'a het jeng thei chu ahi.Hiche-ni'a pat chun 'tui sih ngaicha a-um Sakhi bang in' ka lung in athusim chu a-ngaicha lheh jeng in;ka-guolpa doh ding kati jongle ka lung angam ji pon,dong louvin ka um jing e. A-in uva Thangboi jal'a kiche ji a a-suopi nu houpi lou di chu nuom mo kasah jeh chun kiphatlam pum-pum in 'Lhaset mel pu jing' nu chu kahin houpi jin; phat-le-nikho shitui bang'a a-chal jing bang chun kahung ki-nel lheh jeng lhon tan; a-nui pet jong kahin mu jap-jap jin; ama toh,Thangboi toh u-cha bang in kingailu tah in kahung kivop jing uve.
Nikhat a-in uva kaga che chun lungkham tah'a ana kingaituo pet kaga tuoh kha'n kei in jong,"U Chong, Ipi na-na gel'a lungkham tah a na um jeng hija ong? Lhaset mel na puo jing e.Na-hinkho sugenthei khat na lunga nagel jing ahi ding kahe e,kei jong nei sei peh thei hichume! Khat-le-khat ki lha muon tuo ding le kitil khou tuo ding iheuve," tia kasei chun,"Lal, Ka dinmun hi hahsa kasa val jeng e, kahinkho thusim hi ipi a sei pat a ipi a chai di ham jong kahe them jou hih beh jeng e," tia sei pum chun anuoi'a bang hin ahinkho thusim ahin sei e.
"Kum 20 kahi lai chun kum 25 gollhang khat toh 'lungset hinkho' kahin mang khom lhon in,eingailu lheh jeng e. Numei dang akhohsah na sanga kei ei khohsahna chu sang dihset in kahe ji-e. Chutia 'lungsetna huon' sung'a vetlom tah'a kahung pah khom jing lhon laichun,'Ki-lungset hinkho ah hin tahsa kiti matna aumlou le kilungsetna acham kimpoi!" ti jing pum chun nupa hinkho mang ding in eijol jing e.Hitia asei tieng le kei in jong,'He-u na ji kahi tieng katahsa hi nang a hi ding ahi e,kichen masang a vang nupa hinkho man ding kanuom po e. Nupa hinkho i-man jou nung le nei da lha leh chun kei ipi kati di ham?' tin kadonbut ji'n ama jong akiphalam ji'n ngaidam athum ji-e.
'Chong, Lungset Mantam ka chen hi thina teilouvin kei'a kuon in meibuol bang in kitol mang thei taponte! Damsung'a jang-va banga laituol lenkhompi ding'a ka lunglai gil'a ka khao khi nahi tai...!" tipum chun ka in uva ama bouseh toh ka um pet in ei-ngong koi in,nupa hinkho mankhompi din thagum ahin mang cha'n kaki tom vang chun numei tha le pasal tha akibah lou jeh chun nungah thieng kahina chu hiche ni chun eingailupen dinga kangaito pa ang ah kana kiman sah khatai! Gancha thang-a ki 'hen-oh' bang'a ka hinkho aum phat chun atahsa ngaichat chu kana suh bulhit peh jing jeh chun kathi nei dan ahung kisuh tapon,kei in jong,'He-u,Ka thi nei dan akisuh tapoi! Ka chung gih hitante! Nei lungset mong-mong ahile na ji din nei ki pui jeng o...,' tia kasei chun a-aw gin ahung jat chuom jep in,"Chong, Ka insung buoi cheh-chuh toh tu'n kicheng jong leh hen na-genthei bep di ahi in,kum khat nei ga be na lai in lang,tu a nao na vop chu sulha jeng h
ite!" tin ahin sei in kada lheh jeng vang chun kasuh lhah lhon loule japi het a naovop kahi tei di aman lah eiki chenpi lou di jum-le-jachat thoh a pang di kahi jeh chun ka-nao cha chu it tah in Louthem/
Doctor ho kana suh lhah sah lhon e. Hiche nao kasuh lhah sah lhon na mun chu mun kisel tah ahi in;Kei ni keu hilou a nungah-gollhang nao sulha chu ka ginchat sang in ana tam lheh jeng e.
Kei in jong kalungsetpan akitepna amuolsuo tei ding kinepna nei pum chun kum khat chu kahin ngah jing in,ahin,kum thum lang achenung in jong akitepna ho hepha lou tah in a-um in ji ahin nei in ;tun cha jong anei tai! Kum 20 kalhin a kalungset chu kum 26 kahi chen in kamil theipon,achung ah kalha aset lheh vang in bol thei ima jong kanei pon;khosunga aji-acha toh kamu jing hahsa kasah jeh a na-guolpa Thangboi te Inn a kahung um doh ahitai! Aw! Numei hinkho hi pahcha tobang'a beilam tah'a chul thei ahi dan kana hetlou chu ka-da na lom-lom e o...kidah umtah le thet umtah michu kahi tai! Lampi pam'a puonse kipei mang mitin in athieng lou tin cheng atheh nau bang bep chu kahi tai! Kapah hoi lai ni ho chu hung lhung thei kit ding hileh ka nuom lheh jeng e. Ka-thisan a ki jil ka naocha kana suh lhah chu ka it na lom-lom e o. Ham thei ding hileh kasuh lhah guot chun,'Henu,Leiset hoina ho hi mi dang bang in ka munuom e.Nathisan a kijil nacha hi tui sih a luong mang ding a nei phel jeng hitam?' tin kap tei inte. A-thisan a kijil naocha kisen ngailu lou gamsa sang'a ngol jo kana hi khatai! Chavang laija tuol thing chung'a vetlom tah'a pah Sahei banga pahhoinu chu tun vang KA PAH HOINA ACHUL TAI...!!!
Mitlhi luong pum'a a-chung'a athu a sei cheng kangai jou chun ka ngailu lheh jeng in,kapo na lheh in jeng in,kei in jong,"U Chong, Numei hi pahcha bang'a dei-dei um; vetnuom umtah; mitin lunglai luodim; beilam cha-a chulthei ahijeh a ching thei tah'a apah hoina su-chul thei ho a kon akiventup jing angai e.Hinkho chesa chu achesa ahitai! Pu-le-Paten,'Lam lhang lho lha lou a-ching tah-tah theipoi!' atiu banga chihna a na nei'a nahinkho naki siem thah ding hi deisah aum lheh jeng e. Achesa nikho'a vangse nakisahna mitlhi chu thih hul o...ajeh chu hichun na masang'a hung lhung ding achesa a ho sanga lenjo thilpha ho chu namit lhin'n asel'in namu thei tapoi! A-chesa ho gel-gel jong le chun hung kile thei kit tapon tin na genthei bep ding ahi," tipum in lhamuon na le tilkhouna chu kaneijin toh ding in langa kanei jeh chun ka touna a kuon kahung ding doh in Numei i-lungset le suh chul louva hoitah a pah sah ding ahi dan lung'a vop jing pum in ama kitup lou jeh hilou a pasal kitah lou khat jeh apah hoina chul jeng ka-U Chong thusim lung'a vop jing pum in ngui tah in in lam chu kahin juon tai!
THUSIM'A KON JILDOH THEI:
(1)NUMEI HI PAHCHA TOBANG AHI IN APAH HOINA DI I-BOL THEI LOU AHI TAH JONG LE SUH CHUL LOU DING AHI.
(2) NUMEI KITUP LOU ITIU HO JONG ADIN MUN U IHET TIENG MOH OIMO JENG THEI AHIPOUVE (AKITUP LOU JOUSE SEINA AHIDIH POI).
(3)NUMEI VEL KHAT AMINSET TOH PASAL VEL SAGI AMIN SET AKIBANG E TIN AKISEI E (NUMEI A DIA MINSETNA ABEILAM DAN KISEINA AHI)
(4) SUM LE NUMEI CHUNG'A TAHSAN THEI PASAL CHU IMALAM JOUSE AH TAHSAN AUM TEI JI E.
° 👍
By~ John Haokholal Haokip.
"Thang, Hilai a von sopnu khu koi nah! Kamu kha mo neh e...!" tia ka-guol ngai Thangboi kadoh chu,"Lal, Ka-u Chongneo ahi e.Ka-Palen chanu ahi in keiho in a um dinga tu jingkah a chu hung lhung'a a-von ho akisop ahi e," tia eidonbut jou chun,"Nang in 'he-u' tia nakou le keiman jong 'he-u' tia ka kou di hichu o na...," tin kadong jom in,aman jong,"Na-u di ma hichu...kum 26 ahi ta e...na-u te guol ahibouve o...i-jou khat le 'naosen-nu' ding in deilhen khan nate...he...he...he...,"tin ei hin dai'in kei in jong,"A-mel le ahindan phatah in kimu chen phat-phat le 'he-u' ti di ham 'naosen-nu' ti di ham 'Boinu' ti di ham hung kihe chen taven! Iti baha! Numei imit la tah-tah ho hi i-sang'a kum tamjo ngen ana hinuom jiu chu o...," kati lai tah chun apalen chanu chun eivet toh ana kituoh chet in kakiphatlam man chun kaki hei mang jel jeng e.
Thangboi hi ka-guol ho lah a ka lunggel kaseina theipen le ka lung ngapna theipen ahijeh chun kangailu lheh jeng e.Ama in jong kei gel bang chet chun eina gel jeh chun a-lung gel seina theipen le a-lungngapna in ei nei e.Ngailutna jal'in a-in uvah laituol kaga leng jin; ama jong kei ho in ah ahung lai leng ji e. Thangboi te in a ka che ji tieng apalen chanu Chongneo chun kipana mel mong-mong apuo ji pon; a-lungsung sugenthei khat um ahi ti chu amaisuo a kon'a het jeng thei chu ahi.Hiche-ni'a pat chun 'tui sih ngaicha a-um Sakhi bang in' ka lung in athusim chu a-ngaicha lheh jeng in;ka-guolpa doh ding kati jongle ka lung angam ji pon,dong louvin ka um jing e. A-in uva Thangboi jal'a kiche ji a a-suopi nu houpi lou di chu nuom mo kasah jeh chun kiphatlam pum-pum in 'Lhaset mel pu jing' nu chu kahin houpi jin; phat-le-nikho shitui bang'a a-chal jing bang chun kahung ki-nel lheh jeng lhon tan; a-nui pet jong kahin mu jap-jap jin; ama toh,Thangboi toh u-cha bang in kingailu tah in kahung kivop jing uve.
Nikhat a-in uva kaga che chun lungkham tah'a ana kingaituo pet kaga tuoh kha'n kei in jong,"U Chong, Ipi na-na gel'a lungkham tah a na um jeng hija ong? Lhaset mel na puo jing e.Na-hinkho sugenthei khat na lunga nagel jing ahi ding kahe e,kei jong nei sei peh thei hichume! Khat-le-khat ki lha muon tuo ding le kitil khou tuo ding iheuve," tia kasei chun,"Lal, Ka dinmun hi hahsa kasa val jeng e, kahinkho thusim hi ipi a sei pat a ipi a chai di ham jong kahe them jou hih beh jeng e," tia sei pum chun anuoi'a bang hin ahinkho thusim ahin sei e.
"Kum 20 kahi lai chun kum 25 gollhang khat toh 'lungset hinkho' kahin mang khom lhon in,eingailu lheh jeng e. Numei dang akhohsah na sanga kei ei khohsahna chu sang dihset in kahe ji-e. Chutia 'lungsetna huon' sung'a vetlom tah'a kahung pah khom jing lhon laichun,'Ki-lungset hinkho ah hin tahsa kiti matna aumlou le kilungsetna acham kimpoi!" ti jing pum chun nupa hinkho mang ding in eijol jing e.Hitia asei tieng le kei in jong,'He-u na ji kahi tieng katahsa hi nang a hi ding ahi e,kichen masang a vang nupa hinkho man ding kanuom po e. Nupa hinkho i-man jou nung le nei da lha leh chun kei ipi kati di ham?' tin kadonbut ji'n ama jong akiphalam ji'n ngaidam athum ji-e.
'Chong, Lungset Mantam ka chen hi thina teilouvin kei'a kuon in meibuol bang in kitol mang thei taponte! Damsung'a jang-va banga laituol lenkhompi ding'a ka lunglai gil'a ka khao khi nahi tai...!" tipum chun ka in uva ama bouseh toh ka um pet in ei-ngong koi in,nupa hinkho mankhompi din thagum ahin mang cha'n kaki tom vang chun numei tha le pasal tha akibah lou jeh chun nungah thieng kahina chu hiche ni chun eingailupen dinga kangaito pa ang ah kana kiman sah khatai! Gancha thang-a ki 'hen-oh' bang'a ka hinkho aum phat chun atahsa ngaichat chu kana suh bulhit peh jing jeh chun kathi nei dan ahung kisuh tapon,kei in jong,'He-u,Ka thi nei dan akisuh tapoi! Ka chung gih hitante! Nei lungset mong-mong ahile na ji din nei ki pui jeng o...,' tia kasei chun a-aw gin ahung jat chuom jep in,"Chong, Ka insung buoi cheh-chuh toh tu'n kicheng jong leh hen na-genthei bep di ahi in,kum khat nei ga be na lai in lang,tu a nao na vop chu sulha jeng h
ite!" tin ahin sei in kada lheh jeng vang chun kasuh lhah lhon loule japi het a naovop kahi tei di aman lah eiki chenpi lou di jum-le-jachat thoh a pang di kahi jeh chun ka-nao cha chu it tah in Louthem/
Doctor ho kana suh lhah sah lhon e. Hiche nao kasuh lhah sah lhon na mun chu mun kisel tah ahi in;Kei ni keu hilou a nungah-gollhang nao sulha chu ka ginchat sang in ana tam lheh jeng e.
Kei in jong kalungsetpan akitepna amuolsuo tei ding kinepna nei pum chun kum khat chu kahin ngah jing in,ahin,kum thum lang achenung in jong akitepna ho hepha lou tah in a-um in ji ahin nei in ;tun cha jong anei tai! Kum 20 kalhin a kalungset chu kum 26 kahi chen in kamil theipon,achung ah kalha aset lheh vang in bol thei ima jong kanei pon;khosunga aji-acha toh kamu jing hahsa kasah jeh a na-guolpa Thangboi te Inn a kahung um doh ahitai! Aw! Numei hinkho hi pahcha tobang'a beilam tah'a chul thei ahi dan kana hetlou chu ka-da na lom-lom e o...kidah umtah le thet umtah michu kahi tai! Lampi pam'a puonse kipei mang mitin in athieng lou tin cheng atheh nau bang bep chu kahi tai! Kapah hoi lai ni ho chu hung lhung thei kit ding hileh ka nuom lheh jeng e. Ka-thisan a ki jil ka naocha kana suh lhah chu ka it na lom-lom e o. Ham thei ding hileh kasuh lhah guot chun,'Henu,Leiset hoina ho hi mi dang bang in ka munuom e.Nathisan a kijil nacha hi tui sih a luong mang ding a nei phel jeng hitam?' tin kap tei inte. A-thisan a kijil naocha kisen ngailu lou gamsa sang'a ngol jo kana hi khatai! Chavang laija tuol thing chung'a vetlom tah'a pah Sahei banga pahhoinu chu tun vang KA PAH HOINA ACHUL TAI...!!!
Mitlhi luong pum'a a-chung'a athu a sei cheng kangai jou chun ka ngailu lheh jeng in,kapo na lheh in jeng in,kei in jong,"U Chong, Numei hi pahcha bang'a dei-dei um; vetnuom umtah; mitin lunglai luodim; beilam cha-a chulthei ahijeh a ching thei tah'a apah hoina su-chul thei ho a kon akiventup jing angai e.Hinkho chesa chu achesa ahitai! Pu-le-Paten,'Lam lhang lho lha lou a-ching tah-tah theipoi!' atiu banga chihna a na nei'a nahinkho naki siem thah ding hi deisah aum lheh jeng e. Achesa nikho'a vangse nakisahna mitlhi chu thih hul o...ajeh chu hichun na masang'a hung lhung ding achesa a ho sanga lenjo thilpha ho chu namit lhin'n asel'in namu thei tapoi! A-chesa ho gel-gel jong le chun hung kile thei kit tapon tin na genthei bep ding ahi," tipum in lhamuon na le tilkhouna chu kaneijin toh ding in langa kanei jeh chun ka touna a kuon kahung ding doh in Numei i-lungset le suh chul louva hoitah a pah sah ding ahi dan lung'a vop jing pum in ama kitup lou jeh hilou a pasal kitah lou khat jeh apah hoina chul jeng ka-U Chong thusim lung'a vop jing pum in ngui tah in in lam chu kahin juon tai!
THUSIM'A KON JILDOH THEI:
(1)NUMEI HI PAHCHA TOBANG AHI IN APAH HOINA DI I-BOL THEI LOU AHI TAH JONG LE SUH CHUL LOU DING AHI.
(2) NUMEI KITUP LOU ITIU HO JONG ADIN MUN U IHET TIENG MOH OIMO JENG THEI AHIPOUVE (AKITUP LOU JOUSE SEINA AHIDIH POI).
(3)NUMEI VEL KHAT AMINSET TOH PASAL VEL SAGI AMIN SET AKIBANG E TIN AKISEI E (NUMEI A DIA MINSETNA ABEILAM DAN KISEINA AHI)
(4) SUM LE NUMEI CHUNG'A TAHSAN THEI PASAL CHU IMALAM JOUSE AH TAHSAN AUM TEI JI E.
° 👍
No comments:
Post a Comment