Kangpokpi (SADAR Hills) District

Sadar Hills leh Kangpokpi District chungthua Pu Minister Ngamthang panlah dan:
Mipi hon ihet bangun sadar Hills jeh hin Hinkho mantamtah gei inachan uvin, ahin Nov. 8 2016 ni geijin imacha ana umdoh thei pon ahi. Hijong leh Nov.9 nichun kipa umtah in (Sadar Hills in ahop jouse) Kangpokpi chu District pilhing khat ahung hitan, chugoh hilou vin Tengnoupal toh imu tha nalai set un, kipa a um lheh jenge. Ahin a kidangtah khat chu ahileh mi phabep in Sadar Hills ki deldel a tun akidel mangtai aki kit in ahi.
Sadar Hills thu ana Kiseidohna mun phabepho gahve uhite
# C.M Rishang Keishing: 1982 kum, Rishang Chief Minister ahilai jin Sadar Hills thu ana ki seidoh in, Govt. in pehding in pha anasan ahi. Ahin a boundary thua kinohna aum jeh in aban ana challha thei tapoi.
# Dy. C.M, Dr. Chandramany ki ngense: Deputy C.M pa hi Manipur History hethem pen-a kisei ahin amahi Boundary Chairman in ana lhengdoh uvin, aman jong ima cha ana lothei loujeh in seilhah louvin ana umkit tai.
# C.M Nipamacha: Nipamacha C.M ahilaijin, Pu Ngamthang Haokip in, Cabinet Minister Meeting ah ana podohin, lunghang tahin “Sadar Hills” hi ipeh lou ngal ding uleh “pehtah lou dingin kilol lhautin, peh ding ahileh Sub division thum (Kangpokpi, Saikul, Saitu Gamphajol ” in ahop sese Sadar Hills Boundary hiding ahi tia ana podoh leh, Samuel Gindai, TD Minister pan nasa tah in objection anabol in ahi. Ahin, C.M. Nipamachan, “Minister Ngamthang in asei chu adih e” tia Pu Ngamthang chu ahin panpi jalin, Sadar Hills akipeh nileh hichi SUBDIVISION thum in ahom BLOCK sese chu Sadar Hills District hiding ahitia kinoptona ana um ahi.
# Tujangvaichong Block: District kiphondoh nin T.Vaichong chu Kangpokpi ah ana jaopoi. Ajeh chu hichi Boundary akilhe khen chun, achunga Subdivision thum in a hop block ho sese hiding ahiti khu ana geldoh hih un, constancy hon ahop dungjuija ana vet uleh, T. Vaichong chu Tadubi constancy hopsung ana hikhah jeh a chu Senapati District a na koi khah u ahi, ahinlah Kangpokpi Block ahijeh in Kangpokpi District sungah akoilut kit tauvin ahi.
#Area and Boundary: Tunia Kangpokpi District hin Sadar Hills Demand area jouse ahom in ahi. Chuleh Kangpokpi District akitilo najong hi, District dangjouse hi a town mincheh a kiminvo ahijeha Kangpokpi jong hi a Head Quarter mina kiminvo ahi.
Eihon thisan phala ina del u District chu tunin imu tauve, Ahivangin ahin boipi Minister, Pu Ngamthang pachat tahsangin Sadar Hills ahilou jeh ham, chuleh ipipi jeh ham khat ikoi be uvin demna johin imang uvin aphamo lheh jenge. Midanghon vang nopmo or deimo aneina laitahu mun a jong deithei leh kipa na thei khat aholdoh teijun; ahin eihon vang ideina munlai tah ajong semthu deilou khatbeh umsah a PACHAT NATHEI munho chu suhmang teitei ding ikigot utoh akilouve. Gelthei khat chu, Pu Ngamthang masanga MLA ana kaiho chun ana boipiu henlang hileh anabaijo maithei ahi, ajeh chu hichi thu hi asatpet anahi jo ding ahi. Ahin tunung, ahahsat cheh2 jouva jong Pu Minister Ngamthangin ahin boipi a tunia District pilhing cheh ni ineithei uhi suhmil hoi ahipoi. Pathen in Pu Minister Ngamthang umpi jing ta hen.