Mangboi Haokip
President, Kuki National Assembly
Sapormeina 15th Dec’ 16
Kuki mipiten juiding neilou’a ilamvai naohi
akivet leh voujang nat aumin, hiti ahijeh ahi ipihi ki
bolleh phading ham tin Pathen dong pumin, mibang
in kihat kifel hih jongleh ahung kiche pipin, tunihin
i nampiu leh Igam uvin angaichat anaum talou, Kuki
National Assembly hi avella chohing kitna thale
lungthim eipeo Pathen thangvah in umhen. Thil kiti
hi akiphu nini’n alenpai pon ahi. “Insa’a Pakai
apan louleh, Innsa hon panna beiya asah u ahin,
khopi ngah’a Pakai apan louleh kho-ngahpa
mohseh a jaan-hah khovah ahi.” Psalms 127:1
Hiti ahi jehin Pathen phu Pathen sahdoh
ahile ilolhinlel louhel diuhi ikinep nao ahin, Pathen
lhacha ho jaona a iphudoh u ahi. Saul lengpa chu
ana kino vallin, Pathen themgao Samuel bolding
aman ana kibol phatchun, Pathen achung’a alunglhai
tapoi.
Kuki Innpi’n asei theichan, abol theichan
nampi ading in atong jingin, Kuki thingnoi KNO le
UPF in atoh theichan, asei theichan aseijun ahi.
Ahinlah Kuki Innpi leh i-thaldom hou bolthei nalou
seithei nalou munchu Kuki minna I representative
houvin Kuki National Assembly apatna aseilou leh
avatna tampi imakhou va aum kitnin, hichu pelthei
louthil ahi.
A election la umdalou ithalheng diula
kilhen da jilou, ami satin (umbrella) noileh
namdang te koungtol na’a itou un, ideibang un
nampi machal na thule naa itong dohthei pouvin,
amiliim noija ibon’un gole dai ipel jou pouvin ahi.
Kuki National Assembly political party
hi akiphudoh kitjeh a imoh lolhin diu ahipoi. Party
lamkai hon Pathen mai avet na mipi’n KNA
ponlap ijuijing uleh lolhinna chu nailam chan
aumme ti itahsan diu ahi.
Constituency khatna voter 28,000 –
30,000 ium’un, Christian ihisoh un, ahin Christian
mi hijat lamkai ding gamkai’a Lengding’a ju-ne,
salop, sumlop ikilhen dohjiu hi akiven, Kuki
National Assembly ticket som hopdoh nading’a
mipite’n taona a pan ilah uva, KNA General
Assembly honjong phate cha vetchil na kineiding,
Party Candidate dingchu akisonna anei agouleh
asum leh apai, abolthei na hilou ding ahi. Nampi’n
mano taote ati nileh mano ding, tou taote ati nileh
touthim theiding, tumasang a inei ho-utoh kibang
louding. Mipi leh lamkai hon kijet-hei kivei-hei
gei’a kitoh chet na ibol nathei ding uva hi, Kuki
te political party hi lei(bridge) a kahungkido masat
diu, mitcho chatmo gei’a lungtup mun ilhut diuhi, nitin
le phat tinna eiki cholsah theilou uchu ahi.
2017 Election hi Kuki National Assembly’n
“Pakai hi chamna ahi” ti slogan mangcha a election
kitetding, B.J.P le Congress jeha ikidou, ikijep, iki
thajiu hi suhbei a aumna ding, Kukite gam’a Third
Party chun Pathen thu apohding, Thempu, Themgao
tetoh kitho’a “Thao kanusa tongkha hih uvin, ka
themgao hojong bolse hih un”, tin aseiye. I
Chronicles 16:22. Pathen thao nusa hochu koi party
hileh ahung kilu lah nathei diuva, naa-hi hung kitong
ding ahi. Igam uvin lamkai Pathen thaonu iki lhendoh
diuhi, tahsan lelna aki neipon, ichen khompiu jatdang
lah’a kikhel na umhih jongle eiho laha kikhel na aum
nading proof chu vuidoh lou mithi loungko inei
houkhun, thu ilah uva aseijing nge. “Phaicham thuh
taha gancha kumsuh bangin, Pakai lhagaovin
amaho chu aki choldo sahtai. Hijehchun nangma
minthan na dia Namite na lamkai tan ahi.” Isaiah
63:14. Mipha gamle nam adia thi ahiuvin, lamkai pha
ahung kisep nadia muchi chu ahi. Kuki National
Assembly’n amaho tohban chu kila a thichan geiya
Pathen leh mipi kiseilep louding ahi.
“Tua umthil hi ana umsa ahitan, ahung
umkit ding jongchu aumsa ma ahitai, hiche a
Pathen in ahol penchu akidel mangsa chu ahiye.”
Thuhilpa 3:15
Ana umsa Party / kiloikhom nachu ahin, aki
phudoh masa lai’a Kuki hiho jouse hi tribe
recognition jehin tribe chomchom leh nomenclature
thah hojeh in, ikah uva onghom lentah tahleh komthuh
tahtah aumin, eikhen uvin; ikijop matsoh nadiu’a Kuki
National Assembly hi lei’a ikido kitdiu ahi.
Portfolios
of Kuki National Assembly
President : Pu Mangboi Haokip
Secretary : Pu Thangjang Haokip
Treasurer : Pu Mamang Guite
Members : Pu Kaigin Haokip
Pu Paongam
Pu John Haokip
Pu Onmang
Pu Lalboi Guite
Minister : Pu Rev. Mangpithang
No comments:
Post a Comment