KOI KOM NA JOT DING HAM?
Author:Chemtatpa kuki
Eimi gollhang mi pengthah pha tah khat hi aum in, a min chu Seiboi ahi. Burma gama peng leh seilen ahi in, Mumbai-a college kai ahi. A college uva kai ma ma, eimi nungah Kikim toh a hung kimuto in, a hung kilungset tou lhon tain, kichen ding chan a hin gel lhon tai.
Khatvei chu Kikim chun Seiboi chu a in uvah a pui in, a nu leh pate toh a kimelhetsah ta in. A jan chun Kikim leh a pa chu a kihoulim lim lhon in, Seiboi chungchang chu hiti hin a sei lhon tai...
“Kikim, Seiboi toh hin itih chan na hung kihet lhon hi tam?”
“A sot nai poi, hepa. Kum khat jong a lhing nai poi.”
“Burma gam akona hung ahi in, itobang insung akona hun seilen ahi na hetchen em?
“Chu lampang chu imacha het ka nei poi, hepa.”
“A nu leh pa, a sopiho leh tumasanga a hinkho man dan ima na het lou ham? A kho leh veng, a neolai hinkho ima na het lou ham?”
“Ka he poi, hepa. Ka dong ngai pon, ama’n jong ei seipeh chuom poi.”
“A phat chesa leh a pen leh seilenna jong he lou beha jia na nei got jeng chu, lungthim a nom thei poi, boinu.”
“Hepa, thil khat ka hechen in, chujeha chu jia nei ding ka nop ahi.”
“Ipi thil hi tam?”
“Hoilang jona che ham ti ka hechen in, hijeha chu kilhonpi ding ka nop ahi.”
Kikim donbutna leh a thulhuhna chun a pa lungthim chu a min lheh jong hin tin, ima dang a sei jom ta pon, a kichen lhon ding chu a phatsah tan ahi.
Chomkhat jou chun Kikim leh Seiboi chu a kicheng lhon ta in, Christian insung pha tah a sem lhon tan ahi.
“Koi kho ham? Itobang insunga hung peng leh seilen ham? Tu masanga itobang dinmuna ding ham? A background ipi ham?” tiho hi mihem tena thil poimo tah ahi in; hijongleh, tena poimo pen vang ahi deh poi. Hitiho sanga tena poimo joh chu, hoilang jona che ham ti hi ahi.
Phai sunga peng hi jeh ho, Shillong khopia peng leh seilen hi jeh ho, kol gam school pha leh college pha taha hin simdoh hi jehin koima hi jui thei a moh hi ngai poi. Background pha tah tah nei, thina leh setna lam jona kalsong tam tah aum e. Thinglhang kun apata hung kondoh hi nama jongleh, dihna, kitahna, gutchuna leh lolhinna lam jona kal song ahi phot leh kiloipi leh jui thei ahi. Ju joh insunga peng leh seilen hi ta jongleh, Christa nung a jui a, van lam jona a che phot leh, jui thei ahi.
*Ma lam jona che bouseh hi machalna pha ahi deh pon, i ngatna lam leh jotna lam dih jong a ngai in ahi.
Author:Chemtatpa kuki
Eimi gollhang mi pengthah pha tah khat hi aum in, a min chu Seiboi ahi. Burma gama peng leh seilen ahi in, Mumbai-a college kai ahi. A college uva kai ma ma, eimi nungah Kikim toh a hung kimuto in, a hung kilungset tou lhon tain, kichen ding chan a hin gel lhon tai.
Khatvei chu Kikim chun Seiboi chu a in uvah a pui in, a nu leh pate toh a kimelhetsah ta in. A jan chun Kikim leh a pa chu a kihoulim lim lhon in, Seiboi chungchang chu hiti hin a sei lhon tai...
“Kikim, Seiboi toh hin itih chan na hung kihet lhon hi tam?”
“A sot nai poi, hepa. Kum khat jong a lhing nai poi.”
“Burma gam akona hung ahi in, itobang insung akona hun seilen ahi na hetchen em?
“Chu lampang chu imacha het ka nei poi, hepa.”
“A nu leh pa, a sopiho leh tumasanga a hinkho man dan ima na het lou ham? A kho leh veng, a neolai hinkho ima na het lou ham?”
“Ka he poi, hepa. Ka dong ngai pon, ama’n jong ei seipeh chuom poi.”
“A phat chesa leh a pen leh seilenna jong he lou beha jia na nei got jeng chu, lungthim a nom thei poi, boinu.”
“Hepa, thil khat ka hechen in, chujeha chu jia nei ding ka nop ahi.”
“Ipi thil hi tam?”
“Hoilang jona che ham ti ka hechen in, hijeha chu kilhonpi ding ka nop ahi.”
Kikim donbutna leh a thulhuhna chun a pa lungthim chu a min lheh jong hin tin, ima dang a sei jom ta pon, a kichen lhon ding chu a phatsah tan ahi.
Chomkhat jou chun Kikim leh Seiboi chu a kicheng lhon ta in, Christian insung pha tah a sem lhon tan ahi.
“Koi kho ham? Itobang insunga hung peng leh seilen ham? Tu masanga itobang dinmuna ding ham? A background ipi ham?” tiho hi mihem tena thil poimo tah ahi in; hijongleh, tena poimo pen vang ahi deh poi. Hitiho sanga tena poimo joh chu, hoilang jona che ham ti hi ahi.
Phai sunga peng hi jeh ho, Shillong khopia peng leh seilen hi jeh ho, kol gam school pha leh college pha taha hin simdoh hi jehin koima hi jui thei a moh hi ngai poi. Background pha tah tah nei, thina leh setna lam jona kalsong tam tah aum e. Thinglhang kun apata hung kondoh hi nama jongleh, dihna, kitahna, gutchuna leh lolhinna lam jona kal song ahi phot leh kiloipi leh jui thei ahi. Ju joh insunga peng leh seilen hi ta jongleh, Christa nung a jui a, van lam jona a che phot leh, jui thei ahi.
*Ma lam jona che bouseh hi machalna pha ahi deh pon, i ngatna lam leh jotna lam dih jong a ngai in ahi.
No comments:
Post a Comment