Mi MOH OIMO LOU DING
Written By:Chemtatpa Kuki
Doctor Singh kiti Surgeon thiem tah leh mipha tah khat hi aum in. Khat vei chu Hospital-a a duty na muna aum lou pet hin hospital lam akon chun phone call ahung tan, pasal chapang khat kino taha at ngai aum thu chu a hin seipeh tauve. Dr.Singh jong chu kiphalam tah le kino tah pumin louin lang chu a del pai in. A lhun phat chun a von ho chu gangchelin a kikhel in, surgery room lang chu a jon tai.
Amavang, at ding ngah a ana um pasal chapangpa nu chun chutia surgery room-a Doctor kigosa ana um lou chu phamo a sah lheh in. Doctor hung lhun kal chu ngah in kot koma chun ana chan tho tai. Doctor a mu phat chun lunghang thim tahin a house pai in, “Ipijeha hung vaigei na hi ham? Ka chapa hinkho mantam dan hi na ngaito phah lou ham? Ipijeha na mopohna jong kihetlou na hi ham?” tiin aw sang tah chun a housal jah jah tai.
Dr. Singh vang chu mailhai selin a nui in, hiche nu koma chun, “Ka bolkhel ahi. Louina kana um lou pet na hin tokhah chu phamo ka sah lheh e. Phone call ka mu mua a gang thei pena ka hin del pai ahi. Pi, lunghang hih in lang, ken jong ka toh ding chu hin tong pan tang e” tiin kamdam selin a donbut e.
Hiche nu chu lah lunghan lou tah sangin a lunghang cheh jo tan. Dr.Singh koma chun, “Lunghang hih in nei ti ham? Na chapa hi ka chapa dinmuna hin ding taleh thipbeha um thei dinga na kigel ham?” tiin a eu jah jeng tai. Dr.Singh vang chu a nui mai mai in, “Hinkho hi doctor hon ka jop sao thei u ahi pon, Pathen jalin ka bolthei chan bolin na chapa chu hin at ing e” tiin a donbut in. Hiche nu chun nung ngat pumin, “I chunga lhung lou sei vang thil hahsa ahi hih nai” tiin Doctor chu a gah donbut kit e.
Pungkah ijat ham a at jou chun Dr.Singh chu operation theatre apat chun kipah tahin a hung doh in, hiche nu koma chun, “ Kipa um tahin na chapa chu ka at chai tauve” tiin a seipeh in. Hijongleh, pasal chapang nu’n ima jong a sei masang chun Doctor Singh chu kino tahin louin apat chun a lhai doh pai kit tai.
Hiche nu jong chun kidang a sah lheh in, nurse khat koma chun, “Dr. Singh chu a kino na lom lom e. Ka chapa dinmun jong imacha kidong man louva ei dalhah jeng u pi chu, ipi thu um ham?” tiin a gah dong in. Nurse chun, “Hichu o, Dr.Singh chun vangsetum tahin janni tah chun a chapa gari accident jehin ana lhaso tan. Na chapa at dinga ka kou lai jong chun ama chapa kivuina muna a um lai tah ahi. Na chapa a at jou tah jeha a chapa kivuina langa kile kit dinga kino tah a pot doh pai ahi” tiin a donbut in ahi.
*Mi dinmun he masa louva mi moh seiset kiti hi bol lou ding ahi. Mi itobang dinmuna dinga itobang hahsatna a to ham ti lam lam hepha louva mi moh oimo hi bol poute.
Written By:Chemtatpa Kuki
Doctor Singh kiti Surgeon thiem tah leh mipha tah khat hi aum in. Khat vei chu Hospital-a a duty na muna aum lou pet hin hospital lam akon chun phone call ahung tan, pasal chapang khat kino taha at ngai aum thu chu a hin seipeh tauve. Dr.Singh jong chu kiphalam tah le kino tah pumin louin lang chu a del pai in. A lhun phat chun a von ho chu gangchelin a kikhel in, surgery room lang chu a jon tai.
Amavang, at ding ngah a ana um pasal chapangpa nu chun chutia surgery room-a Doctor kigosa ana um lou chu phamo a sah lheh in. Doctor hung lhun kal chu ngah in kot koma chun ana chan tho tai. Doctor a mu phat chun lunghang thim tahin a house pai in, “Ipijeha hung vaigei na hi ham? Ka chapa hinkho mantam dan hi na ngaito phah lou ham? Ipijeha na mopohna jong kihetlou na hi ham?” tiin aw sang tah chun a housal jah jah tai.
Dr. Singh vang chu mailhai selin a nui in, hiche nu koma chun, “Ka bolkhel ahi. Louina kana um lou pet na hin tokhah chu phamo ka sah lheh e. Phone call ka mu mua a gang thei pena ka hin del pai ahi. Pi, lunghang hih in lang, ken jong ka toh ding chu hin tong pan tang e” tiin kamdam selin a donbut e.
Hiche nu chu lah lunghan lou tah sangin a lunghang cheh jo tan. Dr.Singh koma chun, “Lunghang hih in nei ti ham? Na chapa hi ka chapa dinmuna hin ding taleh thipbeha um thei dinga na kigel ham?” tiin a eu jah jeng tai. Dr.Singh vang chu a nui mai mai in, “Hinkho hi doctor hon ka jop sao thei u ahi pon, Pathen jalin ka bolthei chan bolin na chapa chu hin at ing e” tiin a donbut in. Hiche nu chun nung ngat pumin, “I chunga lhung lou sei vang thil hahsa ahi hih nai” tiin Doctor chu a gah donbut kit e.
Pungkah ijat ham a at jou chun Dr.Singh chu operation theatre apat chun kipah tahin a hung doh in, hiche nu koma chun, “ Kipa um tahin na chapa chu ka at chai tauve” tiin a seipeh in. Hijongleh, pasal chapang nu’n ima jong a sei masang chun Doctor Singh chu kino tahin louin apat chun a lhai doh pai kit tai.
Hiche nu jong chun kidang a sah lheh in, nurse khat koma chun, “Dr. Singh chu a kino na lom lom e. Ka chapa dinmun jong imacha kidong man louva ei dalhah jeng u pi chu, ipi thu um ham?” tiin a gah dong in. Nurse chun, “Hichu o, Dr.Singh chun vangsetum tahin janni tah chun a chapa gari accident jehin ana lhaso tan. Na chapa at dinga ka kou lai jong chun ama chapa kivuina muna a um lai tah ahi. Na chapa a at jou tah jeha a chapa kivuina langa kile kit dinga kino tah a pot doh pai ahi” tiin a donbut in ahi.
*Mi dinmun he masa louva mi moh seiset kiti hi bol lou ding ahi. Mi itobang dinmuna dinga itobang hahsatna a to ham ti lam lam hepha louva mi moh oimo hi bol poute.
No comments:
Post a Comment